Posted on: October 26th, 2024
Watumishi wa Halmashauri ya Mji wa Mbulu Mkoa wa Manyara wamejitokeza kwa wingi kufanya usafi kuzunguka Ofisi za Halmashauri ya Mji huo kwa lengo la kuhakikisha Mji unakuwa safi wakati wote.
Watumishi hao wameungana na Wananchi waliofanya usafi katika makazi yao ambapo pia wafanyabiashara wameshiriki zoezi hilo kwenye maeneo yao wanayofanyia biashara
Zoezi hili ni endelevu ambapo kila jumamosi ya mwisho wa mwezi, watumishi na Wananchi wote hushiriki zoezi hilo kwa pamoja katika maeneo mbalimbali ikiwemo yenye mikusanyiko ya watu, maeneo ya Kijamii na katika Taasisi mbalimbali ili kuweka Mazingira yawe safi na salama.
