Posted on: October 11th, 2024
Mkuu wa Wilaya ya Mbulu Mhe. Veronica Kessy amewasihi wananchi wote wa Halmashauri ya Mji wa Mbulu kujitokeza kujiandikisha kwenye orodha ya Wapiga kura wa Serikali za Mitaa ili waweze kushiriki zoezi la kupiga kura kwenye Uchaguzi wa Serikali za Mitaa tarehe 27 Novemba 2024.
Mhe. Kessy ametoa rai hiyo mapema leo wakati akizindua zoezi hilo akiwa Kijiji cha Moringe Kata ya Daudi ambapo amesema kila mwananchi mwenye sifa anapaswa kufika kwenye vituo vya kujiandikishia kwani kufanya hivyo watakuwa wametimiza wajibu wao wa Kidemokrasia wa kushiriki Uchaguzi na kupata viongozi wenye maono
"Niwaombe wananchi, kila mmoja mwenye sifa ya kupiga kura ahakikishe anajiandikisha kwenye orodha ili awe na haki ya kuchagua kiongozi na kuchaguliwa kuwa kiongozi ifikapo tarehe 27 Novemba 2024".
Zoezi la uandikishaji wapiga kwa ajili ya uchaguzi wa Viongozi wa Serikali za Mitaa, Vitongoji na Vijiji limeanza rasmi leo Oktoba 11, 2024 na litafungwa tarehe 20 Oktoba 2024.
"Serikali za Mitaa, Sauti ya Wananchi, Jitokeze kushiriki Uchaguzi"
