TUONGEZE NGUVU KUTOA ELIMU YA MPIGA KURA-MHE. SULLE

Posted on: November 16th, 2024

Viongozi wa vyama na Serikali wamepaswa kutumia muda huu uliosalia kutoa elimu na hamasa kwa wananchi kuweza kushiriki kikamilifu zoezi la kupiga kura kuelekea uchaguzi wa Serikali za Mitaa tarehe 27 Novemba, 2024.

Rai hiyo imetolewa na Mwenyekiti wa Halmashauri ya Mji wa Mbulu Mhe. Peter Sulle akiwa kwenye Mkutano wa Baraza la Madiwani uliofanyika tarehe 15 Novemba, 2024 ukumbi wa Halmashauri ya mji wa Mbulu.

Mhe. Sulle amesema ikiwa zimesalia siku chache kuelekea uchaguzi wa Serikali za Mitaa ni lazima viongozi wa Siasa na Serikali kushirikiana kutoa elimu na kuhamasisha wananchi kujitokeza kupiga kura kwa wingi ili wapate Viongozi wanaoweza kuwaletea Maendeleo.